Әзербайжан астанасында дзюдодан ересектер арасындағы әлем чемпионатының 2-жарыс күні басталды, – деп хабарлайды Aikyn.kz Туризм және спорт министрлігі Спортты дамыту дирекциясының баспасөз қызметіне сілтеме жасап.
Отандасымыз Ақылжан Жұбатқанов (-66 кг) екінші кездесуінде әлем чемпионатының күміс жүлдегері Нурали Эмомалимен күш сынасты. Белдесуде Тәжікстан өкілі жеңіске жетіп, келесі кезеңге шықты. Осыған дейін Жұбатқанов Сальвадор өкілі Диего Каликстың жауырынын жерге тигізді.
Нұрқанат Серікбаев екінші айналымда әлем чемпионы және күміс жүлдегері жапон Такеши Такеокамен белдесіп, аса тартысты айқаста жол берді. Нұрқанат бағана 1/32 айналымда Алжир спортшысы Кайс Моудетерені ұтқан.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
