Бүгін әуесқой спортшылардың арасындағы Astana run жарысының күзгі жүгірісі ұйымдастырылды, деп хабарлайды kazlenta.kz тілшісі елорда әкімдігінің ресми сайтына сілтеме жасап.
2023 жылдан бастауын алған Astana run жүгірісінің басты ерекшелігі – 4 кезеңнен тұрады, жылдың әр мезгілінде өтеді. Бүгінгі іс-шара – биылғы үшінші күзгі жүгіріс.
Жарыс барысында ересектер 18-29, 30-39, 40-49, 50-59, 60 жастан жоғары санатта жеңімпаздарды анықтаса, 3-9 жас аралығындағы балалар 400 метр, 10-17 жастағы жасөспірімдер 1 шақырымға жүгірді.
Жарыс қорытындысы бойынша, 10 шақырым қашықтықта ерлер арасында 32:37 уақыт көрсеткішімен Әлімжан Балтабек топ жарса, әйелдер арасында Әлия Тұранова 38 минутпен чемпион атанды.
Іс-шара соңында барлық қатысушыларға ыстық шай беріліп, лотерея арқылы түрлі сертификаттар ойнатылды.
