26 маусымда 130 мыңнан астам адам eGov mobile арқылы өзін құмар ойындар мен бәс тігуге қатысуды шектеді, деп хабарлайды kazlenta.kz тілшісі Қазақстан Республикасы Туризм және спорт министрлігіне сілтеме жасап.
Онлайн қызмет іске қосылғанға дейін тізімде 3 мыңнан астам адам болған.
18 наурыздан бастап пилоттық режимде азаматтарды құмар ойындардан және бәс тігуден 6 айдан бір жылға дейінгі мерзімге өз бетінше шектеуге мүмкіндік беретін онлайн-қызмет жұмыс істейді.
Маңызды: шектеу тек лицензиясы бар заңды ойын компанияларына қолданылады.
Сақ болыңыз! Өзін шектеу заңсыз интернет-казинолар мен букмекерлік кеңселерге қолданылмайды. Заңсыз ойын ресурстарына барудан аулақ болыңыз.
