Қазақстандық Нұрдәулет Жұмағали Ханчжоуда өткен Азия ойындарында пара жүзуден алтын медаль еншіледі. Бұл – біздің қос спортшымыздың осы жарыстағы бесінші алтын медалі, деп хабарлайды kazlenta.kz тілшісі Zakon.kz сайтына сілтеме жасап.
Қазақстан спортшысы брасс әдісімен 100 метр қашықтықты 1:05:92 уақытында жүзіп өтіп, барлығынан бұрын мәреге бірінші болып жетті.
Тура осы бағдарламада тағы бір қазақстандық спортшы Нұрәлі Советқанов қола медаль жеңіп алды. Күміс медаль Өзбекстан спортшысы Фирдаусбек Мұсабековке бұйырды.
Осылайша, екі күнде қазақстандық спортшыларының қоржынға салған медальдар саны 21-ге жетті. Атап айтқанда, бес алтын, алты күміс және 10 қола медаль. Қытайлықтар әлі де көш бастап тұр, олардың есебінде 159 медаль бар (64-51-44).
Бұған дейін Олжас Оразалиұлы Қазақстан үшін Азия ойындарындағы төртінші “алтынды” олжалаған болатын.
