Павлодарда көліктің рөлін кәмелетке толмаған баласына басқаруға бергені үшін ата-анасы жазаланды, – деп хабарлайды kazlenta.kz тілшісі Polisia.kz сайтына сілтеме жасап.
Әлеуметтік желіні бақылау кезінде жеделхат арнасында кәмелетке толмаған баланың автокөлікті жүргізген видеосы анықталды, ал ата-анасы оның жанындағы жолаушылар орындығында отырды.
– Полиция автокөлік иесінің және кәмелетке толмаған жүргізушінің жеке басын анықтады. Белгілі болғандай, әйел 15 жасар қызына көлік жүргізу дағдыларын үйреткен. Көлік құралын жүргізуші куәлігі жоқ тұлғаға бергені үшін көлік құралының иесі әкімшілік жауапкершілікке тартылып, 50 АЕК айыппұл салынды. Автокөлік арнайы тұраққа қойылды, – деді Екібастұз қаласы ПБ бастығының бірінші орынбасары Төлеген Құдайбергенов.
Сонымен қатар заңды өкіл қызының әкімшілік құқық бұзушылық белгілері бар қасақана әрекет жасауына әкеп соққан кәмелетке толмағанға тәрбие мен білім беру, құқықтары мен мүдделерін қорғау жөніндегі міндеттерді орындамағаны үшін жазаланады. Материал сотқа жіберілді.
Полиция жол қозғалысына қатысушыларға жол ережелерін қатаң сақтауды ескертеді.
