Алматы полициясы түнгі уақытта үйден тыс жерде жүрген жасөспірімдерді анықтады, – деп хабарлайды kazlenta.kz тілшісі Polisia.kz сайтына сілтеме жасап.
Алматы қаласының Наурызбай ауданындағы полиция қызметкерлері дейд жүргізді. ҚР көші-қон заңнамасын бұзушылықтарды анықтау, азаматтарды тұрғылықты жері бойынша есепке алу, абаттандыру ережелері, қоғамдық орындарды ластау, тыныштықты бұзу деректері, мүліктік қылмыстар және тағы да басқа құқық бұзушылықтар анықталды.
– Бұл іс-шара ең алдымен, қоғамдық тәртіпті бұзудың жолын кесуге, қоғамдық орындарда құқық бұзушылықтың алдын алуға, сондай-ақ “мүлдем төзбеушілік” қағидатын нығайтуға бағытталған. Осындай рейдтер барлық жерде жүргізіледі. Полицейлердің үйлесімді жұмысы – азаматтарымыздың тыныштығының кепілі, – деді Наурызбай аудандық полиция басқармасы бастығының бірінші орынбасары Әділбек Қозыбаеков.
Бір ғана іс-шараның өзінде полицейлер 50-ден астам құқық бұзушылықты анықтады. Сондай-ақ түнгі уақытта заңды өкілдерінің еріп жүруінсіз жүрген 10 кәмелетке толмаған анықталды. Олардың ата-аналарына қатысты ҚР ӘҚБтК-нің 127-бабы және ҚР ӘҚБтК-нің 442-бабы бойынша әкімшілік құқық бұзушылық туралы хаттамалар толтырылды.
