Алдағы жылдары отандық мәдени мұралар халықаралық деңгейде таныла түспек. Сол сияқты аталған бағыттары жұмыстар жалғаса түседі. Бұл туралы Қазақстан Республикасының Мемлекеттік кеңесшісі Ерлан Қарин мәлім етті, деп хабарлайды kazlenta.kz тілшісі Kazinform сайтына сілтеме жасап.
«2024-2025 жылдарға арналған ЮНЕСКО-ның атаулы күндері тізбесіне жазушы Бердікбек Соқпақбаевтың және композитор, күйші Нұрғиса ілендиевтің 100 жылдығын енгізу туралы ұсыныс енгізілді. Одан бөлек, Диуани лұғат ат-түрк» атты түркі тілдерінің тұңғыш энциклопедиялық сөздігінің 950 жылдығын атап өту туралы бірлескен ұсыныс та қабылданды. Елімізідің бастамасымен 20 мамырды дүниежүзілік метрология күні деп белгілеу туралы қарар мақұлданды», – деп жазды Ерлан Қарин Telegram әлеуметтік парақшасында.
Айта кетсек, биыл Президент Қасым-Жомарт Тоқаевтың шақыруымен ЮНЕСКО-ның бас директоры Одрэ Азуле елімізге ресми сапармен келді.
Сапар аясында Одрэ Азуле Астанадан бөлек, Түркістандағы Қожа Ахмет Ясауи кесенесіне арнайы барып, Қазақстанда тарихи-мәдени мұраларды сақтап қалу үшін атқарылып жатқан іс-шаралар таныстырылды.
«2024 жылы Ұлттық комиссия білім, ғылым, мәдениет, ақпарат, және коммуникация салалары бойынша ЮНЕСКО мандатының барлық бағыттары бойынша мәдени мұраларымызды қорғау жұмысын жалғастырады», – дейді Е. Қарин.
